將軍澳悠閑西餐廳｜個人心水推薦👍🏻

將軍澳區一直都有唔少西餐廳嘅選擇，而喺我心目中，beans係我嘅top 1！ 淨係將軍澳都已經有3間beans集團嘅餐廳🤩今次介紹嘅係位於將軍澳廣場嘅beans the backyard🍽️ 店內環境氣氛好好😌夜晚嚟食個燈光偏暗，加上播住一啲low fi 音樂🎶最吸引到我嘅記憶點反而係入面舖喺水吧位置出面下嘅一條石頭路🪨莫名有一種質感⭐️仲有個小細節就係埋位果陣見到個餐牌會擺得好靚🍴喺度好有feel，侍應們都好nice，坐得好舒服☺️ 紅酒燉牛面頰意大利飯🐮（$132） 意大利飯入面有菇🍄同蕃茄🍅加埋一齊燉，飯粒變晒蕃茄紅，軟硬適中，面頭仲加咗少少七味粉同Parsley🌱，唔單止令賣相靚咗，仲增加咗碟Risotto 嘅風味同層次🥰 個牛面頰燉得幾稔，然後食落好香牛嘅油香😋同個飯一齊食好夾～～ 黑松露蛋黃醬薯條🍟（+$30） 依個小食係其中一個令我鍾意間餐廳嘅原因🥳薯條新鮮炸出嚟熱辣辣🔥就咁食都好食。 黑松露蛋黃醬🥚兩樣本身都好食嘅嘢加埋一齊嘅結果係更加好食🤪每次都清空咗個醬😋 墨西哥辣肉醬芝士薄餅🍕（$108） 以為佢辣肉醬會好辣🌶️，但冇乜辣味，芝士都用咗幾款🧀切pizza果陣feel到有少少拉絲嘅感覺🍕連埋啲墨西哥脆片一齊食，口感又提升咗😌 🤫隱藏食法🤫 用pizza沾埋薯條嘅黑松露蛋黃醬，令佢變成沾醬嘅pizza🍕，即刻令個pizza有埋黑松露嘅味，檔次又升咗🆙 抹茶黑糖麻糬流心吐司🍞（$82） 擺盤擺得幾靚✨個抺茶雪糕上面插塊薄荷葉🌱幾有趣。 吐司入面係好滿嘅抺茶醬同黑糖麻糬～黑糖麻糬🍡口感勁煙韌，食落係甜甜地嘅黑糖味。 綿花糖🐑有搵火燒過，燒得啱啱好，外脆內軟～ 個吐司好大份🤩然後烘到脆得嚟入面又好軟熟☺️佢夠乾身，可以一次過沾埋抺茶醬，令吐司有埋抺茶嘅味再加埋其他配料一齊食，係好睇又好食嘅甜品🍨 成餐飯計埋加一都唔洗$200蚊一個人🤑，喺西餐廳嚟講，真係算平價兼抵食🤩除咗夜晚可以嚟食之外，我通常都鍾意午餐或者下午茶嚟食☺️然後坐好耐，chill一日🫶🏻有時冇乜人果陣可以揀窗口位睇住外面嘅風景食，夠哂悠閑～～ 味道：⭐⭐⭐⭐ ⭐ (5星為最滿意) 環境：⭐⭐⭐⭐ 服務：⭐⭐⭐⭐ 性價比 ：⭐⭐⭐⭐⭐  #食勻全世界#社群歎世界#打卡相我攞獎#將軍澳美食#將軍澳#Cafe#悠閑#美食#香港美食#Beans